Координативното тело за општествена одговорност на претпријатијата и Министерството за економија на Република Македонија по јубилеен, петти пат ќе доделат Национална награда за најдобри општествено одговорни практики на македонските претпријатија за изминатата календарска година.
На 11-ти август 2012 година распишан е конкурс за пријавување за наградата за најдобри општествено одговорни практики на македонските претпријатија за 2011 година. Пријавите се примаат најдоцна до 28-ми септември 2012 година. Право на учество имаат сите претпријатија регистрирани во Република Македонија кои ќе достават комплетна пријава во предвидениот рок. Наградите се доделуваат во следните категории: - односи со вработените - етичко управување - односи на пазарот со снабдувачите, потрошувачите или купувачите - заштита на животната средина - вложување во заедницата.
Претпријатијата имаат право да конкурираат само со по една пријава во секоја од категориите. Одлучувачки фактори при оценувањето на пристигнатите пријави се идејата, квалитетот и постигнатите резултати, а не големината на средствата потрошени за проектот. Повеќе информации, формулар и насоки за пријавување можете да најдете на следнава страница.
|