Национална награда за најдобри општествено одговорни практики
Со задоволство најавуваме дека по јубилеен десетти пат ќе се додели Национална награда за најдобри општествено одговорни практики на македонските претпријатија од страна на Координативното тело за општествена одговорност на претпријатија и Министерството за економија на Република Македонија.
На 15-ти јуни 2017 година објавен е
конкурс за пријавување за наградата за најдобри општествено одговорни практики на македонските претпријатија реализирани од 1-ви јуни 2016 до 1-ви јуни 2017 година. Пријавите се примаат заклучно со
1-ви септември 2017 година. Право на учество имаат сите претпријатија регистрирани во Република Македонија кои ќе достават комплетна пријава во предвидениот рок.
Информативно-едукативна средба за заинтересираните компании ќе се одржи на
3 јули 2017 година (понеделник), во ЕУ Инфо центарот, со почеток во 13:00 часот.
Наградите се доделуваат во следните категории:
-
Однос кон вработените;
-
Етичко управување;
-
Односи на пазарот кон снабдувачите, потрошувачите или купувачите;
-
Однос кон животната средина;
-
Вложување во заедницата.
И оваа година, ќе се додели
признание за најинвентивен проект или практика.
Претпријатијата имаат право да конкурираат најмногу со по една пријава во секоја од категориите. Одлучувачки фактори при оценувањето на пристигнатите пријави се идејата, квалитетот и постигнатите резултати, а не износот на финансиски средства вложени во проектот. Во секоја категорија ќе има
награда за големо претпријатие и
награда за мало или средно претпријатие. Наградените ќе бидат избрани од страна на стручни жири комисии
според однапред утврдени постапка и критериуми, а статуетки и плакети ќе им бидат врачени на
свечена церемонија која ќе се одржи во ноември 2017 година. Повеќе информации,
формулар и
насоки за пријавување можете да најдете на
следнава страница.
Документите за наградата се објавени и на веб сајтовите на Министерството за економија (www.economy.gov.mk), и на Бизнис Конфедерација на Македонија (www.bcm.mk).
Национална агенда за ООП за РЕПУБЛИКА Македонија
Националното Координативно тело за општествена одговорност на претпријатијата ja подготви и објави Националната агенда за ООП за РМ, 2008–2012 Владата на РМ, на седницата одржана на 21.10.2008, ја усвои Агендата за ООП како прв стратешки петгодишен документ во кој е дефинирана политиката за поттикнување на општествената одговорност на претпријатијата во земјата.
Агендата ги утврдува следните среднорочни цели за успешно развивање на општествената одговорност во Република Македонија:
- подигнување на свеста за ООП;
- развивање на капацитети и компетенции за да се помогне етаблирањето на ООП;
- обезбедување на поволен амбиент за ООП.
Национална агенда за општествена одговорност на претпријатија за Република Македонија